Вторник, 26.03.2019, 06:57
Приветствую Вас Гость | RSS

Наш опрос
Оцените мой сайт
Всего ответов: 56
Статистика

Онлайн всего: 7
Гостей: 7
Пользователей: 0
Главная » 2019 » Январь » 29 » O‘zRTXB: Onlayn auksionda 01 571 SAV avtoraqami sotilmagan
10:44
O‘zRTXB: Onlayn auksionda 01 571 SAV avtoraqami sotilmagan

2019 yilning 25 yanvarida turli ijtimoy tarmoqlar va internet resurslarida 01 571 SAV avtoraqami 220,4 mln so‘mga «O‘zbekiston Respublika tovar xomashyo birjasi» AJning onlayn auksioni — avtoraqam.uzex.uz’da sotilganligi to‘g‘risida xabar tarqatilgan edi.

«O‘zbekiston Respublikasi Vazirlar Mahkamasining 31.08.2017 y. 683-sonli «Avtomototransport vositalarini davlat ro‘yxatidan o‘tkazish va ularga ro‘yxatdan o‘tkazish davlat raqami belgilarini berish tartibini takomillashtirish to‘g‘risida»gi qaroriga muvofiq 01 571 SAV avtoraqami oshirilgan to‘lov stavkalari bo‘yicha beriladigan I, IA, III, IIIA tipidagi avtotransport vositalari uchun ro‘yxatdan o‘tkazish davlat raqami belgilarining (RO‘DRB) ro‘yxatiga kiritilmaganligi sababli tarqatilgan ma’lumotlar haqiqatga zid», deb xabar bermoqda «O‘zRTXB» AJ matbuot xizmati.

«Shu bilan birga, yuqoridagi qarorga ko‘ra jismoniy va yuridik shaxslarga avtotransport vositalari uchun xaridorgir harf va raqamlar kombinatsiyasiga ega bo‘lgan ro‘yxatdan o‘tkazish davlat raqami belgilarini oshirilgan to‘lov stavkalari bo‘yicha berilishi mumkin. Buning uchun transport vositalarining egalari doimiy propiska qilingan joyidagi hududiy DYHX organlariga ariza bilan murojaat qilishlari kerak», — deyiladi birja matbuot xizmati xabarida.

«Xaridorgir harf va raqamlar kombinatsiyasiga ega bo‘lgan RO‘DRB oshirilgan to‘lov stavkalari bo‘yicha berish stavkalari eng kam oylik ish haqining 150 baravari miqdorida belgilangan.

«O‘zRTXB» AJ OAV vakillari va blogerlarni tasdiqlanmagan ma’lumotlarni tarqatmaslikni so‘raydi», deyiladi xabar so‘ngida.

Ijtimoiy tarmoqlarda ushbu avtoraqamga oid shov-shuv ko‘tarilishiga undagi 571 raqamlari Muhammad alayhissalomning milodiy yil hisobida tug‘ilgan yilini bildirishi, SAV esa «sallollohu alayhi vasallam» so‘zlarining qisqartmasi sifatida talqin qilinishi sabab bo‘ldi.

Ilgariroq, «O‘zRTXB» AJ onlayn auksionida «chiroyli» avtoraqamlarning sotilishi byudjetga 121,7 mlrd so‘m daromad keltirgani xabar qilingan edi.


Ushbu ma'lumot www.zamin.uz saytidan olindi
Категория: Qiziqarli ma'lumotlar | Просмотров: 222 | Добавил: ADMIN | Теги: 2019 yilning 25 yanvarida turli ijt, 4 mln so‘mga «O‘zbekiston Respublik | Рейтинг: 5.0/2
Всего комментариев: 0
avatar
Вход на сайт
Логин:
Пароль:
Поиск
Календарь
«  Январь 2019  »
ПнВтСрЧтПтСбВс
 123456
78910111213
14151617181920
21222324252627
28293031

Copyright MyCorp © 2019